कराड उत्तरमध्ये अजितदादांचा उमेदवार ? ; अजितदादा घेणार कराड उत्तरचा आढावा ; क़ाय आहे बातमी?

वेध माझा ऑनलाइन।

सध्याच्या घडामोडी पाहता फलटणमधील राजकीय घडामोडींवर अजितदादा काय तोडगा काढणार, याकडे राजकीय वर्तुळाचं लक्ष लागून आहे. तसेच कराड उत्तर विधानसभा मतदार संघाचाही ते आढावा घेणार आहेत.

रामराजेंच्या नाराजीवर तोडगा निघणार का?

शरद पवारांची साथ सोडून अजितदादांसोबत गेलेल्या रामराजे नाईक निंबाळकर यांनी भाजपच्या माण खटावमधील माजी खासदार आणि विद्यमान आमदाराविरोधात दंड थोपटले आहेत. प्रशासकीय अधिकाऱ्यांना हाताशी धरून कार्यकर्त्यांना त्रास दिला जात असल्याची तक्रार रामराजेंनी जाहीरपणे केली आहे. तसेच अजितदादांची साथ सोडून तुतारी हाती घेण्याचे संकेतही रामराजेंनी दिले आहेत. या पार्श्वभूमीवर फलटणमधील नेत्यांच्या नाराजीवर काय तोडगा निघणार, याकडे राजकीय वर्तुळाचं लक्ष लागून आहे.

कराड उत्तरचा घेणार आढावा

सातारा जिल्ह्यातील वाई, फलटण आणि कराड उत्तर हे तीन मतदार संघ अजितदादांकडे आहेत. कराड उत्तर विधानसभेचा आमदार राष्ट्रवादी काँग्रेसचा आहे. महायुतीत अजितदादांनी ही जागा आपल्याकडे घेतली आहे. तथापि, सक्षम उमेदवाराचं नाव समोर आलेलं नाही. राष्ट्रवादीलाच ही जागा सुटली तर बाकीच्या पक्षातले इच्छुक लढायला तयार आहेत. परंतु, अजितदादांनी आपल्या समर्थकांचा कौल आजमावायचा ठरवलंय. त्यादृष्टीने संभाव्य उमेदवारांच्या नावावर देखील चर्चा होणार आहे.