वेध माझा ऑनलाइन।
बदलापूमधील शाळेत घडलेल्या लैंगिक अत्याचाराच्या घटनेनंतर राज्यभरातील विविध जिल्ह्यात महिला व अल्पवयीन मुलींवर होत असलेल्या अत्याचाराच्या घटना समोर आल्या आहेत आता, चंद्रपूर जिल्ह्यातील कोरपना येथील अल्पवयीन मुलीच्या बलात्कार प्रकरणात आरोपी अमोल लोडे याला अकोल्यातुन अटक करण्यात आली आहे. आरोपी अमोल लोडे युवक काँग्रेसचा कोरपना शहर अध्यक्ष आहे. कॉन्व्हेंट शाळेत शिक्षक असलेल्या लोडे याने 12 वर्षीय अल्पवयीन विद्यार्थिनीवर अत्याचार केल्याची घटना उघडकीस आल्यानंतर राज्यभरातून तीव्र संताप व्यक्त होत आहे. तर, या घटनेचे राजकीय पडसादही उमटताना दिसून येत आहेत.याप्रकरणी, पोलिसांनी पोक्सो कायद्यांतर्गत गुन्हा दाखल केला आहे.
सुत्रांनी दिलेल्या माहितीनुसार,
या प्रकरणात पीडित मुलींची संख्या वाढण्याची शक्यता आहे. पोलीस सर्व बाबी तपासून पाहणार असल्याचे पोलीस अधीक्षकांनी म्हटले आहे. दुसरीकडे कोरपना येथे झालेल्या अल्पवयीन मुलीच्या बलात्कार प्रकरणामुळे स्थानिक लोकं अतिशय संतप्त आहे. स्वयंस्फूर्तीने आज कोरपना शहरातली सर्व दुकाने आणि प्रतिष्ठाने बंद ठेवण्यात आली. स्थानिक नागरिकांनी एकत्र येत निषेध मोर्चा काढला आणि उद्या सर्व राजकीय पक्ष आणि सामाजिक संघटनांनी मिळून कोरपना बंदची हाक देण्यात आली आहे. शाळकरी मुलीच्या बलात्कार प्रकरणात आरोपी असलेला शिक्षक आणि कोरपना शहर युवक काँग्रेसचा अध्यक्ष अमोल लोडे याची काँग्रेस पक्षातून हकालपट्टी करण्यात आली आहे. युवक काँग्रेसचे जिल्हाध्यक्ष शंतनू धोटे यांनी पक्षातून लोडे याला निष्काषित केल्याचं पत्र जारी करत लोडे याच्या कृत्याचा निषेध केलाय.
No comments:
Post a Comment