पुण्यात दुमजली उड्डाणपुलाचे उद्घाटन ; या पुलाला अजितदादांचे नाव देणार ;

वेध माझा ऑनलाइन।

पुण्यातील वाहतूक कोंडी कमी करण्यासाठी उभारण्यात आलेल्या सावित्रीबाई फुले पुणे विद्यापीठ चौकातील दुमजली उड्डाणपुलाचे उद्घाटन नुकतेच पार पडले. मुख्यमंत्री देवेंद्र फडणवीस यांच्या हस्ते दूरदृश्य प्रणालीद्वारे या पुलाचे लोकार्पण करण्यात आले. कार्यक्रमादरम्यान या पुलाला अजित पवार यांचे नाव देण्याची मागणी पुढे आली आणि मुख्यमंत्र्यांनी त्यास सकारात्मक प्रतिसाद दिला.

पुणेकरांना वाहतूक कोंडीतून दिलासा देण्यासाठी विद्यापीठ चौकात उभारण्यात आलेला दुमजली उड्डाणपूल हा शहरातील महत्त्वाचा पायाभूत प्रकल्प मानला जात आहे. या पुलाचे उद्घाटन करताना केंद्रीय राज्यमंत्री मुरलीधर मोहोळ यांनी विशेष मागणी मांडली. त्यांच्या मते या प्रकल्पाची संकल्पना आणि त्यासाठीचा पाठपुरावा अजित पवार यांनी सातत्याने आणि आक्रमकपणे केला होता. 

मोहोळ यांनी सांगितले की, या पुलाच्या उभारणीमागे अजित पवार यांची दूरदृष्टी मोठ्या प्रमाणात कारणीभूत आहे. त्यामुळे या उड्डाणपुलाला त्यांचे नाव देण्यात यावे, अशी इच्छा अनेकांची आहे. त्यांच्या या मागणीवर प्रतिक्रिया देताना मुख्यमंत्री फडणवीस यांनीही या प्रस्तावाला समर्थन दर्शवले. त्यांनी स्पष्ट केले की, पुलाच्या उभारणीसाठी अजित पवार यांनी मोठा पुढाकार घेतला होता आणि त्यामुळे त्यांचे नाव देण्यास ते सहमत आहेत.