वेध माझा ऑनलाईन - राज्यात कोरोनाचा मोठा विस्फोट होताना दिसत आहे. कारण राज्यात गेल्या 24 तासात तब्बल 11 हजार 877 नवे कोरोनाबाधित रुग्ण आढळले आहेत. गेल्या काही महिन्यांमधील ही सर्वात मोठी रुग्णवाढ आहे. राज्यात आज दिवसभरात 9 कोरोनाबाधित रुग्णांच्या मृत्यूची नोंद झाली आहे. तर 2069 रुग्णांनी कोरोनावर मात केली आहे. त्यामुळे त्यांना रुग्णालयातून डिस्चार्ज देण्यात आला आहे. विशेष म्हणजे कोरोनाच्या ओमायक्रोन हा नवा विषाणूदेखील महाराष्ट्रात थैमान घालताना दिसतोय. राज्यात आज दिवसभरात तब्बल 50 नव्या ओमायक्रोनबाधितांंची नोंद झाली आहे. त्यामुळे राज्यातील ओमायक्रोनबाधितांचा आकडा थेट 510 वर पोहोचला आहे.
पुण्यात ओमायक्रोनचे सर्वाधिक रुग्ण
आरोग्य विभागाने दिलेल्या माहितीनुसार, राज्यात आज दिवसभरात 50 नवे ओमायक्रोनबाधित रुग्ण आढळले आहेत. यामध्ये पुणे जिल्ह्यातील रुग्णांची संख्या सर्वाधिक आहे. यामध्ये पुणे ग्रामीण येथील 2, पिंपरी चिंचवड येथील 8 तर पुणे मनपा हद्दीतील तब्बल 36 रुग्णांचा समावेश आहे. तर सांगलीतील 2, मुंबई आणि ठाणे येथील प्रत्येकी एक रुग्णाचा समावेश आहे. राज्यातील ओमायक्रोनबाधितांचा आकडा 510 वर पोहोचला आहे.
मुंबईत दिवसभरात तब्बल 8063 नवे रुग्ण
महाराष्ट्रातील मोठ्या आणि महत्त्वाच्या शहरांमध्ये कोरोनाचा संसर्ग वाढताना दिसत आहे. महाराष्ट्रात काल दिवसभरात 9 हजार 170 वर नवे रुग्ण आढळले होते. तर आज हाच आकडा 11 हजार 877 वर पोहोचला आहे. त्यापैकी मुंबई शहरातच 8063 नवे कोरोनाबाधित रुग्ण आढळले आहेत. त्यामुळे चिंता वाढली आहे. मुंबईतील कोरानाबाधितांचा वाढता आकडा ही चिंतेची बाब आहे. विशेष म्हणजे मुंबईत तीन दिवसांपूर्वी 3671 नवे कोरोनाबाधित रुग्ण आढळले होते. त्यानंतर आज हाच आकडा थेट 8063 वर पोहोचला आहे. त्यामुळे कोरोना आता संसर्गाचा गुणाकार करताना दिसतोय.
No comments:
Post a Comment