अजित पवार गटांकडून शरद पवार गटातील 11 पैकी 10 आमदारांविरोधात विधिमंडळात याचिका दाखल ; कोणत्या आमदाराला वगळले ? पहा आमदारांची यादी...

वेध माझा ऑनलाईन । शिवसेना पक्षातील फुटीनंतर आमदारांच्या अपात्रतेच्या याचिकेवर कारवाई सुरू असताना दुसरीकडे राष्ट्रवादी काँग्रेसमधील शरद पवार आणि अजित पवार गटामधील संघर्ष आता तीव्र होण्याची चिन्हं आहेत.  शरद पवार गटाकडून अजित पवार गटाच्या  विरोधात कारवाईला वेग आल्यानंतर आता अजित पवार गट देखील शरद पवार गटाविरोधात आक्रमक झाला आहे. याचिकेत समाविष्ट केलेल्या आमदारांची नावे पुढीलप्रमाणे आहेत असे समजते.

अजित पवार गटाकडून  शरद पवार गटातील 11 पैकी 10 आमदारांविरोधात याचिका दाखल करण्यात आली असून एका आमदाराचे नाव वगळण्यात आले आहे. पक्ष विरोधी कृती केल्यामुळे सदर आमदारांवर कारवाई करावी अशी मागणी अजित पवार गटाच्या वतीने करण्यात आली आहे.

विधानसभेतील या आमदारांविरोधात  याचिका

1) जयंत पाटील

2) जितेंद्र आव्हाड

3) रोहित पवार

4) सुमन पाटील

5) सुनील भुसारा

6) प्राजक्त तनपुरे

7) बाळासाहेब पाटील

8) अनिल देशमुख

9) राजेश टोपे 

10) संदीप क्षिरसागर 

विधान परिषदेतील या आमदारांविरोधात याचिका

1) शशिकांत शिंदे

2) अरुणकाका लाड

3) एकनाथ खडसे

कोणत्या आमदाराचे नाव वगळले?

अजित पवार गटाने विधिमंडळाकडे याचिका दाखल करताना शरद पवार गटातील एका आमदाराचे नाव वगळले आहे. याचिकेत शिरूरचे आमदार अशोक पवार यांचं नाव नाही.