प्रमोद पाटील पुढे म्हणाले की, आम्ही राष्ट्रवादी काँग्रेस पक्षाच्या वतीने (अजित पवार गट) गोपीचंद पडळकर यांच्याविरोधात गृहमंत्री देवेंद्र फडणवीस यांच्याकडे निवेदन देणार आहोत. पडळकर आणि त्यांच्या प्रवृत्तीला त्वरित आळा घालण्यासाठी आणि ही महायुती अखंडीत राहण्यासाठी अजित पवारांसारखा नेता उभा राहिला पाहिजे. त्यामुळे आम्ही उपमुख्यमंत्री देवेंद्र फडणवीस यांच्याकडे दाद मागण्यासाठी जाणार आहेत, असंही प्रमोद पाटील म्हणाले.
गोपीचंद पडळकर नेमकं काय म्हणाले?
गोपीचंद पडळकर म्हणाले, “धनगर समाजाबाबत अजित पवारांची भावना स्वच्छ नाही. ते लबाड लांडग्याचं लबाड पिल्लू आहे. अजित पवारांना आम्ही मानत नाही आणि कधी पत्रही दिलं नाही. पुढेही देण्याची आवश्यकता वाटत नाही. त्यामुळे ज्यांच्याकडून आम्हाला न्याय मिळू शकतो, अशा मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांना आम्ही धनगर आरक्षणाबाबत पत्र दिलं आहे.”
No comments:
Post a Comment