मुख्यमंत्री आज रात्रीच राजीनामा देण्याची शक्यता ; फ्लोर टेस्टला सामोरे जाणार नाहीत. ; खात्रीलायक माहिती...

वेध माझा ऑनलाइन - राज्याच्या राजकारणातील आज सर्वात मोठी बातमी समोर आली आहे. मुख्यमंत्री उद्धव ठाकरे यांच्या सर्वात जवळचे सहकारी शिवसेनेचे नेते एकनाथ शिंदे यांनी बंडखोरी केल्याने महाविकास आघाडी सरकार संकटात सापडलं आहे. राज्यपालांनी उद्या फ्लोर टेस्टचे आदेश दिले आहेत. पण मुख्यमंत्री या फ्लोर टेस्टला सामोर जाणार नसल्याची माहिती सूत्रांनी दिली आहे. त्यामुळे मुख्यमंत्री आज रात्रीच राजीनामा देण्याची शक्यता असल्याची खात्रीलायक माहिती आहे

आपल्याच लोकांनी आपल्याला दगा दिला म्हणून मुख्यमंत्री व्यथित झाले आहेत. त्यामुळे ते फ्लोर टेस्टला सामोरे जाणार  नाहीत. त्याऐवजी ते आजच राजीनामा देतील, अशी माहिती मिळाली आहे. माझीच माणसं माझ्याविरोधात मतदान करताना पाहायचं नाहीय, असं उद्धव ठाकरे आपल्या निकटवर्तीयांसोबत चर्चा करताना म्हणाल्याची माहिती मिळाली आहे.