रात्री एकनाथ शिंदेंचा दसरा मेळावा संपल्यानंतर रात्री असंख्य लोकं परतीच्या प्रवासाकडे वाटचाल करू लागले. नाशिक महामार्गावरून शहापूरकडे जात असताना प्रवाशांचा बस अपघात झाला. यावेळी मागून एक ट्रक आला आणि त्या ट्रकने बसला ठोकर दिली. यावेळी दोन बस आदळल्या त्यातील एक बस ही रस्त्यावरील डीव्हायडर तोडून आदळली. हा अपघात शहापूरला जात असताना कळंभे गावाजवळ झाला आहे. या अपघाताने वाहतुककोंडी झाली होती. यामुळे इतर वाहन चालकांना नाहक त्रास सहन करावा लागला . दुखापतग्रस्तांना शहापूर उपजिल्हा रूग्णालयात दाखल करण्यात आले आहे. या घडलेल्या दुर्घटनेवर मुंबई पोलिस निरीक्षकांनी याबाबत माहीती दिली आहे.
दसरा मेळाव्यानंतर विविध ठिकाणाहून लोकं आली होती. त्यातील काही लोकं ही दादासाहेब भुसेंच्या मतदारसंघातील होती. आपल्या घराकडे जाण्यासाठी लोकांनी रात्रीचे जेवण झाल्यानंतर परतीची वाट धरली होती. यावेळी कैक बस होत्या, रात्री अडीच वाजण्याच्या सुमारास हा अपघात कळंभे गावाजवळ झाला. यावेळी वाहतुककोंडी झाल्याने प्रवासासाठी अडथळे निर्माण झाले होते. दुखापतग्रस्तांवर शहापूर उपजिल्हा रूग्णालयात दाखल करण्यात आले असून अपघातांची पोलिस ठाण्यात दखल घेण्यात आली असल्याची माहीती मुंबई पोलिस निरीक्षक अनंत पराडकरांनी दिली आहे.
No comments:
Post a Comment