जिल्हा पोलिस अधीक्षक समीर शेख यांच्या बदलीचे आदेश काल, मंगळवारी रात्री नऊ वाजता आले. त्यानंतर काही वेळातच अधीक्षक समीर शेख यांच्या बदलीला स्थगिती देत असल्याचे आदेश शासनाने दिले. आगामी विधानसभा निवडणुकीच्या पार्श्वभूमीवर ही बदली रदद् करण्यात आली आहे. पोलिस अधीक्षक समीर शेख यांची मुंबई शहरचे उपआयुक्त म्हणून नियुक्ती झाल्याचे तर त्यांच्या जागी ठाणे शहरचे पोलिस उपआयुक्त डाॅ. सुधाकर पठारे हे रुजू होणार होते. यासंदर्भात तसे आदेशही देण्यात आले. सोशल मीडियावरही बदलीचे आदेश व्हायरल झाले. परंतु रात्री उशिरा वरिष्ठ पातळीवर गतीने हालचाली झाल्या. रात्री साडेदहा वाजता अधीक्षक समीर शेख यांच्या बदलीला स्थगिती देण्यात आली. केंद्रीय महाराष्ट्र प्रशासकीय न्यायाधिकरण, न्यायालय यांचे आदेश तसेच निवडणुकीची आदर्श आचारसंहिता विचारात घेऊन पुढील आदेशापर्यंत कार्यमुक्त करण्यात येऊ नये, असे आदेशात म्हटले आहे.
No comments:
Post a Comment