बाळासाहेब नेमके कोणत्या राष्ट्रवादीत आहेत ? त्यांचे दोन्ही डगरीवर हात? भाजप जिल्हाध्यक्ष धैर्यशील कदम यांचा सवाल ;

वेध माझा ऑनलाईन। आमदार बाळासाहेब हे नक्की कोणत्या राष्ट्रवादी मध्ये आहेत हे त्यांनी स्पष्ट करावे त्यांचे दोन्ही डगरीवर हात असल्याचे दिसत आहे विरोधात असेल तर निधीं मिळत नाही मग ते राष्ट्रवादीच्या कोणत्या डगरीबरोबर आहेत हे त्यांनी स्पष्ट करावे मग आम्ही पुढचं ठरवू असे सातारा जिल्ह्याचे भाजप चे नूतन अध्यक्ष धैर्यशील कदम यांनी आज विधान केले

कराड येथील सर्किट हाऊस येथे आयोजित पत्रकार परिषदेत ते बोलत होते

मनोज घोरपडे, विक्रम पावसकर, रामकृष्ण वेताळ एकनाथ बागडी तसेच शहर व परिसरातील अनेक पदाधिकारी महिला यावेळी उपस्थित होत्या

ते पुढे म्हणाले 

 आम्ही निवडनूकीपूरत बाहेर पडतो अशी टीका करणाऱ्यांना आम्ही दिसत नाही त्याला आमचा काय दोष?असा सवाल करून मी आणलेल्या 150 कोटी निधींबाबत जनतेला पूर्णपणे माहीत आहे उलट लोकच मला म्हणतात तुम्ही आणलेला निधीचे विरोधक श्रेय घेत आहेत त्यामुळे जनता ठरवेल कोणी किती निधी आणला ते...सरकार आमचे आहे... विरोधकांना निधी मिळत नाही...मग जर निधी बाळासाहेबांनी आणला तर मग त्यांनी  जाहीर करावे की ते नेमकं कोणत्या राष्ट्रवादी मध्ये आहेत असेही ते म्हणाले ...

दरम्यान त्यांनी यावेळी आपण जिल्ह्यात भाजप च्या माध्यमातून गावोगावी वातावरण तयार करून संपूर्ण जिल्हा भाजपमय करणार असल्याचे विधान केले कराड उत्तर मध्ये यावेळी भाजप चाच उमेदवार निवडून येणार असा विश्वास देखील त्यांनी व्यक्त केला 

बाजार समितीतील निवडणुकीत काँग्रेसबाबतची आमची स्थानिक युती ही त्यावेळेपुरती होती ती निवडणूक संपली तेव्हाच ती युतीही संपली असही त्यांनी यावेळी स्पष्ट केले