कराडला बुधवारी शासन आपल्या दारी कार्यक्रम ;रणजित पाटील मित्रपरिवारातर्फे आयोजन ;

वेध माझा ऑनलाईन। राज्य शासनाच्या माध्यमातून राबवण्यात येत असलेला ‘शासन आपल्या दारी' हा कार्यक्रम बुधवारी 2 रोजी कराड येथे व्यापक प्रमाणात आयोजित करण्यात आला आहे. वाखाण रोड, अर्बन बँकेसमोर दत्त मंदिरात सकाळी 10 वाजता या कार्यक्रमास सुरवात होणार आहे. सामाजिक कार्यकर्ते रणजितनाना पाटील मित्र परिवाराच्या वतीने या कार्यक्रमाचे आयोजन करण्यात आले आहे.

 

शहरी व ग्रामीण भागातील सर्वसामान्य जनतेला विविध प्रकारचे दाखले, उतारे व शासकीय योजनांच्या लाभासाठी शासकीय कार्यालयात हेलपाटे मारावे लागतात. सर्वसामान्य जनतेची कामे त्यांच्या गावात व विनासायास व्हावीत, यासाठी राज्य शासनाच्या माध्यमातून शासन आपल्या दारी हा उपक्रम राबवण्यात येत आहे. बुधवारी कराड येथे या उपक्रमाचे आयोजन करण्यात आले असून नागरिकांनी याचा लाभ घ्यावा, असे आवाहन रणजित पाटील यांनी केले आहे.या कार्यक्रमात एकाच छताखाली जास्तीत जास्त शासकीय योजनांचा लाभ लाभार्थ्यांना मिळवून देण्यात येणार आहे, असे रणजित पाटील यांनी सांगितले.