पृथ्वीराज चव्हाणांना धमकी देणाऱ्या आरोपीला जामीन मंजूर ;

वेध माझा ऑनलाईन। माजी मुख्यमंत्री पृथ्वीराज चव्हाण यांना ईमेलवर द्वारे नांदेड येथील संशयित अंकुश शंकरराव सरावते याने धमकी दिली होती. या प्रकरणी संशयितास अटक करण्यात आल्यानंतर आज कराड येथील प्रथम वर्ग न्यायालयासमोर हजर केले असता न्यायालयाने त्यास जामीन मंजूर केला.

आ. पृथ्वीराज चव्हाण यांना नांदेड येथील अंकुश सरावते या व्यक्तीने शनिवारी मध्यरात्री पावणे एक वाजण्याच्या सुमारास ई-मेल द्वारे धमकी दिली होती. या प्रकरणी पोलिसांनी काल राजगड येथून रविवारी आरोपीस ताब्यात घेतल्यानंतर त्याला आणण्यासाठी कराडचे पोलिसांचे पथक रवाना झाले होते. यानंतर आज संबंधित आरोपीस ताब्यात घेतल्यानंतर कराड येथील प्रथम वर्ग न्यायालयासमोर हजर करण्यात आले. यावेळी न्यायालयात पार पडलेल्या युक्तिवादानंतर धमकी देणाऱ्या आरोपीस जमीन मंजूर करण्यात आला.