पृथ्वीराज चव्हाण यांना धमकी देणाऱ्यांचे नाव अंकुश सावराटे ; नांदेड मध्ये मुसक्या आवळल्या ! ; वाचा बातमी

वेध माझा ऑनलाइन । 

माजी मुख्यमंत्री व कराड दक्षिणचे विद्यमान आमदार पृथ्वीराज चव्हाण यांना आज ईमेलवरून जीवे मारण्याची धमकी देण्यात आली आहे. याप्रकरणी चव्हाण यांच्याकडून कराड शहर पोलीस स्टेशनमध्ये गुन्हा दाखल करण्यात आला आहे. कराड पोलिसांनी तात्काळ याची दखल घेत ई-मेल करणाऱ्याचा शोध घेतला असून त्याला ताब्यात घेण्यासाठी पथके रवाना केली . तर आमदार चव्हाण यांच्या निवासस्थानी पोलीस बंदोबस्त वाढवण्यात आला आहे.

दरम्यान धमकीचे मेल करणाऱ्या तरुणाच्या नांदेडच्या पोलिसांनी तिथेच मुसक्या आवळल्या आहेत असे समजते अंकुश सावराटे असे या धमकीचा मेल करणाऱ्याचं नाव आहे.