घटनास्थळावरून मिळालेली माहिती अशी, कराड नगरपालिकेचे अनिरूध्द व अमोल हे वाखाण परिसरातील चेंबर साफ करीत होते. यावेळी अत्यावश्यक आॅक्सिजन गॅस नसल्याने चेंबरमध्ये श्वास गुदमरला होता. त्यामुळे दोन्ही कर्मचारी बेशुद्ध पडले. घटनेची माहिती मिळताच अग्निशामक दल ॲम्बुलन्स तात्काळ घटना स्थळी दाखल झालेली होती. माजी नगरसेवक सौरभ पाटील, घनश्याम पेंढारकर व सामाजिक कार्यकर्ते सुरेश पाटील (नाना) हेही त्याठिकाणी तात्काळ दाखल झाले
यावेळी मुख्याधिकारी रमाकांत डाके, अभियंता पवार घटनास्थळी दाखल झाले होते कर्मचाऱ्यांना चेंबरमधून काढण्याचे शर्तीचे प्रयत्न करून बाहेर काढण्यात यश आले. तात्काळ स्व. वेणूताई चव्हाण उपजिल्हा रूग्णालयात उपचारासाठी दाखल करण्यात आले होते. मात्र, प्रकृती चिंताजनक असल्याने कृष्णा हाॅस्पीटल येथे उपचारासाठी हलविण्यात आले. परंतु या दुर्घटनेत अनिरूध्द लाड या कर्मचाऱ्यास प्राणास मुकावे लागले. तर दुसरा कर्मचारी अमोल चंदनशिवे यांच्यावर उपचार सुरू आहेत, अशी माहिती मुख्याधिकारी रमाकांत डाके यांनी दिली.
No comments:
Post a Comment