विजय दिवस या स्वातंत्र्य सैनिकांच्या कार्यक्रमात जीवन गौरव पुरस्कार देशासाठी लढणाऱ्या एखाद्या सैनिकाला का नाही? पत्रकार परिषदेत वेध-माझा चा सवाल ; खासदार श्रीनिवास पाटील यांना यंदाचा जीवन गौरव पुरस्कार जाहीर ;

वेध माझा ऑनलाइन - विजय दिवस समारोह समितीच्या वतीने यावर्षीचा दिला जाणारा जीवन गौरव पुरस्कार देशासाठी लढणाऱ्या एखाद्या सैनिकाला का नाही ? असा प्रश्न वेध- माझा ने या समितीच्या पदाधिकाऱ्यांना आयोजित पत्रकार परिषदेत विचारला असता यापूर्वीचे पुरस्कार कोणाकोणाला दिले याची लिस्ट वाचून दाखवली गेली मात्र या प्रश्नाचे समाधानकारक उत्तर या समितीला यावेळी देता आले नाही. दरम्यान, राष्ट्रवादीचे खासदार श्रीनिवास पाटील यांना यावर्षीचा हा पुरस्कार समितीने जाहीर केला आहे अशी माहिती आयोजित पत्रकार परिषदेत देण्यात आली तसेच कोविडमध्ये आपला जीव धोक्यात घालून ज्यांनी शहर व परिसरात चांगले काम केले आहे त्यांचाही सत्कार विजय दिवसच्या होणाऱ्या या कार्यक्रमातुन व्हावा असे वेध माझा ने समितीला सुचवले असता... ही चांगली सूचना आहे याचा विचार नक्की करू असेही या समितीच्या पदाधिकाऱ्यांनी यावेळी म्हटले...देशासाठी अधिकाधिक सैनिक तयार व्हावेत याकरिता एखादे ट्रेनिंग सेंटर किंवा इंटिट्यूट याठिकाणी आपली समिती स्थापणार का? शहीद सैनिकांच्या कुटुंबाला आपली समिती काय मदत करते ? असे सवालही यावेळी विचारण्यात आले...चांगल्या सूचना आहेत... असे उत्तर या सर्व प्रश्नावर यावेळी समितीकडून देण्यात आले...

कराड येथे आज विजय दिवस समारोहातील कार्यक्रमांची माहिती देण्यासाठी पत्रकार परिषदेचे आयोजन करण्यात आले होते. यावेळी समितीचे पदाधिकारी विनायक विभुते, सहसचिव विलासराव जाधव, उद्योजक दिपक अरबुणे, सलिम मुजावर, विजय दिवस समितीचे मीनल ढापरे, चंद्रकांत जाधव , रमेश जाधव, प्रा. बी एस खोत, रत्नाकर शानभाग, परवेझ सुतार, महालिंग मुंढेकर, सतीश उपळाविकर आदी उपस्थित होते.

दरम्यान, अधिक माहिती देताना अॅड मोहिते म्हणाले, कर्नल संभाजीराव पाटील यांच्या मार्गदर्शनाखाली यंदा रौप्यमहोत्सव विजय दिवस साजरा होत आहे. विजय दिवस समीतीतर्फे दरवर्षी उल्लेखनीय कार्य करणाऱ्या व्यक्तींना जीवन गौरव यशवंत पुरस्कार देऊन गौरवण्यात येते. आत्तापर्यंत जेष्ठ नेते पी. डी. पाटील, संभाजीबाबा थोरात, माजी केंद्रीय मंत्री खासदार शरद पवार, सहकारमहर्षी जयवंतराव भोसले, नाननाथआण्णा नायकवडी यांच्यासह मान्यवरांना या पुरस्काराने सन्मानित करण्यात आले आहे. यावर्षीचा पुरस्कार माजी राज्यपाल खासदार श्रीनिवास पाटील यांना जाहीर झाला आहे.

15 डिसेंबर रोजी सायंकाळी सहा वाजता येथील यशवंतराव चव्हाण स्मृती सदनात पुरस्काराचे वितरण आणि ब्रिगेडीयर जेम्स थॉमस व पोलिस अधिक्षक समीर शेख यांचा विषेश पुरस्काराने सन्मान होईल. याच कार्यक्रमात वीर माता श्रीमती यशोदाबाई चव्हाण, तळबीड (ता. कऱ्हाड), आदर्श माता बाळुताई ढेबे, (कापील), आदर्श विद्यार्थीनी अमृता पाटील (लाहोटी कन्याप्रशाला कऱ्हाड) तर आदर्श विद्यार्थी सोहेल मुलाणी (वेणुताई चव्हाण कॉलेज, कऱ्हाड) यांनाही गौरवण्यात येईल.

*कर्नल पाटील यांच्या गौरव ग्रंथाचे प्रकाशन*

15 डिसेंबरला होणाऱ्या पुरस्कार वितरण कार्यक्रमात ज्यांच्यामुळे कऱ्हाडमध्ये विजय दिवस साजरा होत आहे ते विजय दिवसचे अध्यक्ष कर्नस संभाजीराव पाटील यांच्या जीवन कार्यावर आधारीत ग्रंथाचे प्रकाशन होईल. त्यास माजी गृहमंत्री आमदार दिलीप वळसे-पाटील, जिल्हाधिकारी रूचेश जयवंशी, लेफ्टनंट जनरल पी. जे. एस. पन्नु, प्रांताधिकारी उत्तमराव दिघे व मान्यवर उपस्थित राहतील.