रानगव्याच्या हल्ल्यात शेतकऱ्याचा मृत्यू ; पाटण तालुक्यातील घटना ;

वेध माझा ऑनलाइन - पाटण तालुक्यातील  शिरळ येथे रान गव्याच्या हल्ल्यात एका शेतकऱ्याचा मृत्यू झाल्याची घटना नुकतीच  घडली आहे सदर शेतकरी शनिवारी गुरे चारायला घेऊन गेला असता ही घटना घडली त्यानंतर वन कर्मचारी घटनास्थळी दाखल झाले दरम्यान, मृताच्या कुटुंबीयांना 20 लाखांची मदत मिळणार असल्याचे जाहीर करण्यात आले आहे दरम्यान गव्याचा त्याठिकाणचा वावर लक्षात घेता वनाधिकाऱ्यांनी येथील लोकांना सतर्क राहण्याचे आवाहन केले आहे..

घटनास्थळावरून व वन विभागाकडून मिळालेल्या माहितीनुसार शनिवारी पाटण तालुक्यातील दुर्गम भागात असणाऱ्या शिरळ येथील एक शेतकरी आपली जनावरे चरावयास घेऊन डोंगराकडे गेला होता यावेळी या शेतकऱ्यावर गव्याचा हल्ला झाला या गव्याच्या हल्ल्यात शेतकऱ्याचा मृत्यू झाल्याची घटना घडली या घटनेची माहिती मिळताच वनविभागाचे अधिकारी वनक्षेत्र पाल तुषार नवले पाटण वनपाल सावर्डेकर वनरक्षक कदम  व कर्मचारी शनिवारी रात्री घटनास्थळी दाखल झाले व त्यांनी घटनास्थळाची पाहणी करून सदर शेतकऱ्याचा मृत्यू हा गव्याच्या हल्ल्यात झाला असल्याचे सांगितले.. वन कर्मचाऱ्यांनी रात्री उशिरापर्यंत घटनास्थळाची पाहणी केली व वन्य प्राण्याचा शोध घेण्याचा प्रयत्न केला .. या शेतकऱ्याच्या मृत्यूमुळे पाटण परिसरात खळबळ उडाली आहे.. गव्याच्या हल्ल्यामुळे शिरळ व परिसरात भीतीचे वातावरण पसरले आहे.‌. दरम्यान वनाधिकारी व कर्मचाऱ्यांनी येथील लोकांना सतर्क राहण्याचे आवाहन केले आहे..