अफजलखानाच्या कबरी शेजारील अतिक्रमण हटवले ;शिंदे-फडणवीस सरकारची मोठी कारवाई ;

वेध माझा ऑनलाईन -  सातारा जिल्ह्यातील प्रतापगडाच्या पायथ्याशी असलेल्या अफजल खानाच्या कबरी नजीक काही वर्षात उदात्तीकरण करण्यात आले होते. आज पहाटे शिवप्रतापदिनीच राज्य सरकारकडून यावर कारवाईचा बडगा उचलण्यात आला आहे. ही अतिक्रमणे हटवण्यात आली आहेत

प्रतापगडाच्या पायथ्याशी असणाऱ्या अफझलखान कबरी लगतचे अतिक्रमण हटविण्याचे काम सुरू झाले आहे. प्रशासनाच्या वतीने कबरीशेजारील अनधिकृत बांधकाम हटवण्यात येणार आहे. गेल्या अनेक वर्षापासून अफजल खान कबरी लगतचा अनधिकृत बांधकामाचा वाद सुरू होता. आज राज्य सरकारने यावर कारवाईची बडगा उचलला आहे.

जेसीबी, पोकलेन अफजलखान कबरी लगतच्या परिसरात आज भल्या पहाटे दाखल झाले आहेत. अनधिकृत बांधकाम हटवण्याच्या ठिकाणी मोठा पोलीस बंदोबस्त तैनात करण्यात आला आहे.