वेध माझा ऑनलाइन - राष्ट्रवादीचे नेते जितेंद्र आव्हाड यांना आज शुक्रवारी अटक करण्यात आली आहे. हरहर महादेवचे स्क्रिनिंग बळजबरीने बंद केल्याबद्दल आव्हाड आणि त्यांच्या समर्थकांविरुद्ध तक्रार दाखल केल्यानंतर आव्हाडांना ताब्यात घेण्यात आले आहे.
याबाबत बोलताना आव्हाड म्हणाले की, आज दुपारी साधारण 1 वाजता मला वर्तकनगर पोलीस स्टेशनचे वरिष्ठ पोलीस निरीक्षक निकम यांचा फोन आला आणि नोटीस घेण्यासाठी मी माणूस पाठवतो नाहीतर तुम्ही पोलीस स्टेशनला या असे ते म्हणाले. मी मुंबईला जायला निघालो होतो. मी म्हटलं, मी पोलीस स्टेशनला येतो आणि नंतर मी मुंबईला जातो.
मी पोलीस स्टेशनला गेलो असताना त्यांनी मला गप्पांमध्ये गुंतवून ठेवलं. त्यानंतर डीसीपी राठोड हे पोलीस स्टेशनला आले. त्यांच्या डोळ्यांत आणि चेहऱ्यावरती अस्वस्थपणा दिसत होता. हतबलता दिसत होती. ते आदराने म्हणाले कि, मी काही करु शकत नाही. वरुन आदेश आले आहेत. तुम्हांला अटक करावी लागेल. असे आव्हाड यांनी माध्यमांशी बोलताना माहिती दिली.
No comments:
Post a Comment