वेध माझा ऑनलाइन - शिवसेनेचं धनुष्यबाण हे चिन्ह केंद्रीय निवडणूक आयोगाने गोठवलं आहे. याशिवाय उद्धव ठाकरे आणि शिंदे गटाला आता शिवसेना हे नावही वापरता येणार नाही. उद्धव ठाकरेंना हा मोठा धक्का मानला जात आहे. याच पार्श्वभूमीवर भाजप नेते निलेश राणे यांनी उद्धव ठाकरेंवर जोरदार निशाणा साधला आहे. उद्धवचा बाजार उठला अशी घणाघाती टीकाही त्यांनी केली आहे.
नियतीने उद्धव ठाकरेचे बारा वाजवले, फुकट मिळालेल्या गोष्टींवर किती उडायचं याला पण मर्यादा आहेत. उद्धव ठाकरे ने आयुष्य फुकट बसून खाल्लं, त्याला वाटलं सगळं असंच राहणार पण हे कर्म आहेत उद्धव ठाकरे तुला याच जन्मात फेडावे लागणार आणि ही सुरुवात आहे अजून भरपूर तुला भोगावे लागणार असा इशारा निलेश राणे यांनी दिला.
बाळासाहेबांनी स्वर्गातून देखील आपला शब्द पूर्ण केला, ज्या दिवशी माझी शिवसेना काँग्रेस होत असेल त्या दिवशी मी माझं दुकान बंद करेन आणि आज शिवसेना काँग्रेसच्या दावणीला बांधलेली पाहून बाळासाहेबांनी स्थापन केलेला शिवसेना पक्षाचं अधिकृत चिन्ह गेलं. उद्धव चा बाजार उठला असं म्हणत राणेंनी उद्धव ठाकरेंवर जहरी टीका केली आहे.
No comments:
Post a Comment