Friday, June 9, 2023

जेवल्याची विचारपूस करण्याच्या बहाण्याने गंठण हिसकावण्याचा प्रयत्न.. चांदीची चैन घेऊन चोरटा लंपास... घटना सीसीटीव्हीत कैद...कराड कॉटेज हॉस्पिटलनजीक घडली घटना...

वेध माझा ऑनलाइन । जेवल्याची विचारपूस करण्याच्या बहाण्याने गंठण  हिसकावण्याचा प्रयत्न करून झटापटीत चांदीची चैन घेऊन चोरटा लंपास झाल्याची  घटना सीसीटीव्हीत कैद झाली आहे कराड कॉटेज हॉस्पिटलनजीक ही  घटना घडली आहे

 मिळालेल्या माहितीनुसार कराड शहरातील बुधवार पेठेतील अलका सुभाष कदम या नित्यक्रमानुसार रात्री नऊ ते दहाच्या दरम्यान शतपावली करण्यासाठी कृष्णा नाका फुटपाथवरून जात होत्या दरम्यान भाग्यश्री प्रिंटिंग प्रेसमोर एका व्यक्तीने पाठीमागून येऊन आजी जेवलात का असे विचारले व काही कळण्याच्या आतच त्यांच्या गळ्यातील गंठण व चांदीची चेन हिसकावून घेण्याचा प्रयत्न केला तसेच त्यांना गेटवर ढकलून दिले नंतर हा इसम कृष्णा नाक्याच्या दिशेने निघून गेला या झटापटीत त्यांच्या गळ्यातील चांदीची चेन चोरटा घेऊन गेला दरम्यान त्यांना गेटवर ढकलल्याने त्या जखमी झाल्या घरी आल्यानंतर त्यांनी हा प्रकार आपला मुलगा अतुल सुभाष कदम याला सांगितला यावेळी सीसीटीव्ही फुटेज पाहिले असता सदर प्रकार निदर्शनास आला या घटनेची नोंद कराड शहर पोलीस ठाण्यात झाली आहे.

No comments:

Post a Comment