कराड तालुक्यातील जिंती येथे शुक्रवार 30 रोजी रात्री 1 च्या सुमारास अज्ञात व्यक्तीने घरा समोर लावलेल्या दोन मोटारसायकली जाळल्याची घटना घडली.

याबाबत घटनास्थळावरून मिळालेली माहिती अशी की  विकास सेवा सोसायटीचे संचालक शिवाजी सावळा पाटील यांचे घरासमोर लावलेल्या दोन दुचाकी रात्री 1 च्या सुमारास अज्ञाताकडून पेट्रोल ओतून जाळणेत आल्या. शिवाजी पाटील यांचे घर मुख्य चौकात असल्याने मोठा जाळ व गाडीची पेट्रोल टाकी फुटल्याचा आवाज झालेने घरातील व शेजारील लोक उठून बाहेर आले मात्र आगीने मोठा पेट घेतल्याने मोटारसायकली वाचवता आल्या नाहीत.दोन्ही मोटारसायकल चे फक्त सांगाडे उरले आहेत. 

आकाश शिवाजी पाटील यांचे नावे असणारी mh50Q1330 हिरो होंडा व विठ्ठल सावळा पाटील हे वापरत असलेली त्याच्या नातेवाईक यांची mh50D2107 या  मोटारसायकली आगीत जळून खाक झाल्या या जळीतात सुमारे 1लाख 25 हजार रुपयां पेक्षा जास्त नुकसान झाले असून या घटनेची फिर्याद आकाश शिवाजी पाटील यांनी कराड ग्रामीण पोलीस स्टेशनला दिली आहे.

पुणे सारख्या शहरात मोटारसायकल पेटवण्याच्या घटना घडत आहेत जिंती सारख्या ग्रामीण भागात अशी घटना घडल्याने ग्रामस्थांनी चिंता व्यक्त केली आहे.