राष्ट्रवादी काँग्रेसचे सर्वेसर्वा तथा संस्थापक शरद पवार हे आज सातारा दौऱ्यावर होते. यावेळी त्यांनी सातारा येथील रयत शिक्षण संस्थेला भेट दिली. यावेळी कार्यक्रमानंतर पवारांनी माध्यमांशी संवाद साधला. यावेळी शरद पवारांनी अजित पवार यांना लाडकी बहीण योजनेवर बोलताना टोला लगावला.
“राज्य सरकारने जाहीर केलेल्या लाडकी बहीण योजनेचं स्वागत आहे. कुठल्या का होईना पण बहिणींना द्यावा”, असा टोला शरद पवार यांनी लगावला. तसेच ”माझ्या संपर्कात कोणीही नाही, मी त्याच्यात लक्षही देत नाही. पण, जयंत पाटील यांना ते लोकं भेटतात याची माहिती मला आहे. त्याच्यावर आऊटकम काय येईल हे उद्याचं मतदान झाल्यावर कळेल,” असा गौप्यस्फोट देखील शरद पवार यांनी केला.दरम्यान शासनाकडे असलेला निधी आणि घोषित केलेल्या योजना यात खूप अंतर आहे असं मत शरद पवारांनी यावेळी व्यक्त केलं
सातारा येथील पत्रकार परिषदेतून शरद पवार यांनी एकाचवेळी अनेक विषयावर महत्वाची विधाने केली. यावेळी पवार म्हणाले की, राज्य सरकारने योजना जाहीर केल्या, पण माझा अनुभव आहे की अंदाजपत्रक मांडल्यानंतर 6 महिन्यांनी पुरवणी मागण्या मांडल्या जातात. पण, इथं केवळ 8 दिवसात पुरवण्या मागण्या मांडल्या आहेत. शासनाकडे असलेला निधी आणि घोषित केलेल्या योजना यात खूप अंतर दिसतं. मुलींच्या मोफत शिक्षणाचा निर्णय चांगला आहे, पण संपूर्ण राज्यात ही योजना पार पाडता येईल का? असा सवाल पवार यांनी उपस्थित केला आहे.
No comments:
Post a Comment